Wearing of Mask for Lagos State go dey compulsory from next week

The Governor wey dey for Lagos State, Governor Babajide Sanwo-Olu don tell we wey dey for Lagos on the reason why the number of pipo wey get COVID-19 virus jump up. The Governor talk say, government increase the way wey them take dey test pipo them for the virus mata compared to the way wey them take dey do am before.


The Governor also tell us say e no good for we to dey lie about our waka to other country or place wey dey inside the country to doctor or nurse wey suppose help our body to dey dey alright and help government to dey find people people wey we don meet.

Apart from the reason why the number increase, the governor talk say them dey look into mata wey go allow private pipo them wey get hospital to dey treat COVID-19 wahala. Even mask wey we dey put for face for protection now, na a must. This one go start from next week and you must to dey wear the mask every time wey you go outside your house.

Onto this security mata, especially the 1 million boys wey dey cause wahala up and down, the governor say everything don dey ok, say make people sleep well well for night as them don hold about 150 bad people put for inside prison.

As Ramadan don dey near, the governor talk say any gathering wey go pass 25 pipo go cause wahala for the pipo them wey gather. so make we still dey obey the law

One news man ask Mr. Governor question concerning mata of money wey dem suppose give health worker based on the wahala wey plenty inside the coronavirus work. The news man say na N5000 them dey give the workers them but Mr. Governor talk say that tori an lie say the smallest person wey dey for the health work dey collect like N20000.

Mr. Governor come talk about mata of people wey dey talk lie about how them take dey waka from one place to the other before coronavirus come catch them. The governor say them no go go free, na example them go use them do. According to Mr. governor, them get about 3 - 4 names wey get that kind wahala now, when them finish their mata, them go let us know them and how them take treat their mata.

Also, Federal Government for Nigeria don talk stay airports no go open, say the airport go still dey close for another 2 weeks. This na talk wey Minister of Aviation, Hadi Sirika talk on Monday.

Despite this mata wey make them close airport like this, the government say emergency and important flight go still dey work from any of the airport wey dey inside country. That na Murtala Muhammed International Airport Lagos and Nnamdi Azikwe International Airport Abuja.

Clockwisenews is evolving......