Mask like object (1998 OR2) fly pass earth 29/4/2020

NASA wey be National Space Agency don talk for air say one giant object wey dem dey call asteriod go fly pass earth on Wednesday 29/4/2020. The good news wey dem talk be say, the object no go touch earth. According to wetin NASA talk, the size of the object na half the size of Mount Everest when you compare them together. 

1998 OR2 na the official name wey them give the asteriod wey go fly pass earth at almost 19,500 miles per hour on Wednesday 29th of April. Them say the size of the object (1998 OR2) when you measure am, e go dey between 1.8 and 4.1 kilometers in diameter. Dat na around 2.5 miles and we fit even see am from inside Earth with telescope when e dey pass but we no go fit see am with our naked eye.

NASA say the space wey go dey between earth and the object when e dey pass go be around 3.9 million miles away but them say even though the object no go hit earth as e dey pass, them get feeling say on day one of them go enter hit earth because 22 rocks still dey wey go dey likely to hit earth as time dey pass because this ones them still dey road.

NASA say them get automated collision monitoring system wey the name na Sentry. Sentry job na to dey run check on all asteriod or object wey dey move around outside earth. Sentry dey take note of those one's wey dey likely to come jamb earth for future. When ever Sentry come across any one wey dey likely to hit or come close to earth, him go analyse am, come display the result for NASA make them see.

NASA come make us known say them don dey follow this particular object for 20 years, say any asteriod wey come around 4.65 miles close to earth dey very dangerous and for this one (1918 OR2), na around 5.56 a.m ET, e go fly pass earth.

The thing wey surprise them na say the asteriod (1998 OR2) come resemble mask, especially wey be say the time wey e pass earth na the time wey everybody for inside earth dey wear mask wey them use take they fight against coronavirus.