One nija man wey want make pipo them obey the social distance wey government talk say make pipo them obey for this period wey coronavirus dey waka up and down dey find who him go catch come die just like that because one person no like as him say make them obey that rule.The person wey die, name na Taiwo Eluyemi. Him house location dey for Taiwo Street, Mafoluku, wey dey for Oshodi place for Lagos State. As the news take go be say this man Taiwo Eluyemi on a normal day, dey allow make him neighbour them dey come watch football and movies for him house, but for this day, him no gree as pipo wey come watch television come plenty wey them no fit obey the distance wey governtment talk say make pipo them obey so that them no go fit get the virus should incase somebody wey dey among them for inside that house get the virus wey them no know or dey aware of.
On known to am, one of him neighbour wey him name na Habeeb, wey them two don follow get serious wahala before no like as him take talk say if them no fit keep the distance make them come waka go their housee, come go plan as him go take catch am for outside take settle the matter one on one with am.
Mr. Taiwo Eluyemi come go church wey dey for him area for this thursday wey don pass to go pick him son. As them dey come back from church, Habeeb come show with cutlass take cut Mr. Taiwo Eluyemi the kind cut wey make the man loose blood till him die.
The good thing be say Police them don catch Habeeb and we pray say make justice take place on top the matter.
No comments:
Post a Comment