This Chinese medical professionals go start work from tomorrow as na today them isolation time go finish. But this mata don bring plenty questions from our country pipo them as some they ask say who this pipo them be? them won no their name, wetin carry them come? whether them they healthy for body and how long them won stay for the country before them go?
As the questions them reach the hand of our minister for health Dr. Osagie Ehanire, him say, no be only Nigeria they get help from China. Him mention New york, say new york get 1,000 ventilators from them as donations.
Chnese Medical Health Professionals also go UK and the same way wey them take come our country with their equipment, na so them take go UK.
Our Minister for health come help clear the mata well as him say the Chinese pipo wey come, no come to dey treat pipo. Them come help train our own medical pipo them on how them go take fix and use the equipment wey them bring. Since them come too much talk no dey on top their mata as them never start the work wey carry them come and dem themselves need take precautions for 14 days wey go end today. So when our health system clear them today say them dey ok for body, them tomorrow them go start work.
President for NMA, Dr. Francis Adebayo Faduyile talk say the association no gree for wetin make Nigeia agree to bring Chinese doctors them come help the country fight coronavirus pandemic for the country as our doctors them wey dey the country never tire before them go come ask for help.
According to wetin him talk, him say
“Moreover, the government has not at any time requested from us difficulties seen pertaining to the treatment and management of this infection in the country. We felt that rather than addressing obvious decadence including the deficiency of basic tools and appropriate protective equipment, poor welfare packages and lack of any form of insurance for frontline workers, the Federal Government was busy preparing to receive the Chinese under the guise of donation of consumables and Personal Protective Equipment (PPEs). In Nigeria we are not bereft of ideas as well as the technical expertise needed to manage COVID-19.”
Our health minister come talk say the Chinese medical professionals wey come, no come to dey treat pipo them, say them come give support and training to Nigerians wey go attend to COVID-19 pipo them. Him say them tell them and themselve known say them go dey quarantined for 14days first before them go start the work wey carry them come.
Clockwisenews is involving.....
No comments:
Post a Comment